Budan bylaı shaǵyn sýbekt ókilderi zańgerlik qujattardy eshkimniń kómeginsiz, ońaı toltyra alady. «Atameken» kásipkerler palatasy túrli qujattardyń 100 nusqasy bar ozyq qyzmetti engizip, bıznestiń damýyna qolaıly múmkindikter týdyrdy. Buryndary kásibin endi bastaǵan jandar kóp jaǵdaıda kásibı zańgerlerdiń kómegine júginip, ýaqyt jaǵynan da, qarajat jaǵynan da shyǵyndanyp jatatyn. Onyń ústine zań talaptaryna saı toltyrylmaǵan kelisim-sharttar, basqa da qujattar nesh túrli qıkiljińder men daý-damaılarǵa uryndyryp, onyń aqyry sotqa aryzdanýǵa májbúrleıtin faktiler az kezdespeıtin. Jańa onlaın qyzmeti qoldan jasalatyn kedergilerdi, bıýrokratızm men qaǵazbastylyqty azaıtyp, satý-satyp alý, taýardy jetkizý, saýda ornyn jalǵa alý, eńbek kelisim sharttaryn jáne taǵy basqa qujattardy birizdilendirdi.
«Onlaın servıske shaǵyn bızneske qajetti 100-ge jýyq qujattyń nusqasy engizilgen. Kez-kelgen kásipker bul saıtta tirkelip, derbes jumys isteıdi. Júıeniń taǵy bir ereksheligi, qoldanýshy jeke paraqshasynda qujattardy tolyq saqtaı alady», deıdi kásipkerler palatasy dırektorynyń orynbasary Jeńis Qazıev.
Oblysta jańa qyzmetti alǵashqylardyń qatarynda qoldanǵandardyń biri– jeke kásipker Sergeı Sapko. Ol aǵashtan túrli buıymdar jáne kádesyılar jasaýmen aınalysady. Keıde aǵash joný bildegin jalǵa da berip jatady.
Buǵan deıin bildekti jalǵa berý kelisim-shartyn jasaý úshin kásipkerler palatasynyń esigin tozdyryp kelse, endi úıden shyqpaı-aq qajetti qujattardy ózi toltyratyn bolypty.
Jańa júıe engizilgeli elýge jýyq kásipker habarlasyp, qoldaný jaıynda jan-jaqty aqparat alypty.
О́mir ESQALI,
«Egemen Qazaqstan»
Soltústik Qazaqstan oblysy
